د افغان يونايټډ بانک ادارې تل هڅه کړې ده چې خپلو پېرودونکو ته د لازمو آسانتیاوو د د برابرولو په موخه مؤثر اقدامات تر لاس لاندې ونیسي، چې په همدې موخه نن ورځ په (۲۷ / ۴ / ۱۴۰۳) لمریز نېټه د هېواد د مرکزي بانک ( د افغانستان بانک) د مسئولینو له لورې( پېرودونکو ته عامه پوهاوی او د هغوی د حقوقو د خوندیتوب) تر عنوان لاندې روزنیز سمینار د افغان یونایټډ بانک په مرکزي دفتر کې جوړه شوی وو، چې په کې د اړوندو برخو مسوولینو، د مرکزي دفتر کارکوونکو او څانګو په حضوري ډول او له ولایتونو څخه په آنلاین ډول ګډون کړی.
دغه سیمینار د ښاغلی شفیق الله بارز د مرکزی بانک (د اففانستان بانک) د عمومی ریاست معاون په وینا پیل شو چې ورپسی یو ډېر ګتور پریزینټیشن (د پیرودونکو د حقونو د ساتنې او د پیرودونکو شکایتونو او د دوی مناسب حلونو سره د چلند په اړه د اصولو، مفکورو، لارښوونو او صحي کړنو) په اړه د مرکزي بانک د مالي خدمتونو د پراختیا رئیس ښاغالی محسن اکبري لخوا وړاندی شو، چې په پایله کې دغه سمینار د مالي خدمتونو د پراختیا عمومي ریاست مرستیال ښاغلی خالد واحیدي لخوا د اطلاعاتو او عامه پوهاوي رئیس ښاغلی شفیع الله محمدي، د مرکزي بانک د ویاند محترم حسیب الله نوري، محترم حیات الله طوفان په شتون سره پای ته ورسیده.
دا په داسې حال کې ده، چې د داسې سمینارونو دائرول د یوې خوا د کارمندانو د فني او مسلکي زده کړو د کچې په لوړولو کې ډېر نېک اقدام بلل کېږي د بلې خوا په هېواد کې د بانکدارۍ د سيسټم د ودې، پراختیا او معیاري کولو په برخه کې کومک کوي.
بناءً د افغان یونایټد بانک رهبري پلاوی د مرکزي بانک ( د افغانستان بانک) د مسئولینو له تلپاتو هڅو او همکاريو څخه منندوی دی، په ځانګړي ډول د ذکر شوي سمینار د وړاندې کولو په هکله د افغانستان بانک کړنې تقدیروي او له همکارۍ څخه يې مننه کوي او خپلو درنو هېوادوالو ته د غوره بانکي خدمتونو د وړاندې کولو په برخه کې د هیڅ ډول هڅې او کوښښ څخه دریغ نه کوي.
11 Mar 2025
11 Mar 2025
11 Mar 2025
11 Mar 2025
11 Mar 2025
10 Mar 2025
8 Feb 2025
ایمیل:
info@afghanunitedbank.com
تلفن:
+93 704 08 08 08
پته:
زرغون چوک، نوی ټاون،
کابل، افغانستان
بریښنالیک:
crpd@afghanunitedbank.com
تلیفون:
+93 704 08 08 08 / واتساپ
2025 © ټول حقوق د افغان يونایټډ بانک سره خوندي دي.
